Biste Louvermenkes & Louverwiefkes,
In ’t begin van dit vastelaoves seizoen houwe veer gooje mood det d’r deze keer weer get meer meugelijk zou zeen. Helaas zeen alle regels weer aangesjerp en zuut de situatie d’r op korte termien neet nao oet det v’r weer same vastelaovend kinne viere op de maneer wie v’r dat gaer zouwe wille. Veer höbbe dan ouch motte besjloete dat ouch dit seizoen gein nuuj Prinselijke Hoogheden waere oetgerope.
In de loup van jannewari bekieke veer de situatie opnuuj om te zeen of d’r dan wellich dinger meugelik zeen. Veer gaon in jeder geval same mit de vastelaoves clubkes van ’t Louverriek kieke nao alternatieven veur de vastelaovend zodet v’r auch dit seizoen weer same vastelaovend kinne viere.
Prins Tim I & Prinses Inge, Jeugdprins Jim I & Jeugdprinses Delana zulle ouch dit jaor nog aanblieve es hoogheeje van ’t Louverriek. KV de Louvermen zulle öch via Facebook en de website op de heugte hauwte van de ontwikkelinge.
Veer wille öch via deze waeg sjaon fieësdaag wunsje en ein gezòndj en gelökkig 2022!
Besjtuur en leeje van KV de Louvermen
